Pantemakassar (RCAL 27 Outubru 2026) – Presidente Autoridade RAEOA Régio da Cruz Salu tersa ne’e, presidi reniaun Autoridade Rejional ho Seckretaria rejionais no kargu xefia sira iha salaun Konvensaun palaban un de maio suku Costa postu Pantemakassar. Durante enkontro autoridade RAEOA delibera no aprova pontus importante rua atu realiza antes tinan ne’e remata.
Hafoen reniaun ne’e remata, Presidente Autoridade RAEOA Régio Serventes Roméia da Cruz Salu ba jornalista sira hateten, pontu importante primeiru maka aumenta kouta pasaporte. Nune’e autoridade husu ba Ministériu Justisa atu aumenta kouta pasaporte ba sidadaun Oekusi, husi sanulu-resin-haat ba limanulu kada semana.
Presidente Autoridade Régio salu Esplika ba Jornalista katak, fundamentasaun ne’e, atu Aumentu kouta pasaporte ho urjente tebes, tanba kondisaun Geografia Oekusi nu’udar rai enklave, nune’e, Autoridade hakarak reativasaun pasa fronteira, ba sidadaun sira ne’ebe presiza duni uza pasaporte legál hodi bele ultra pasa fronteira tuir regras internasionál imigrasaun nian.
Régio Salu informa, Alende kestaun pasaporte, durante sorumutu ne’e mós, autoridade konsege aprova proposta ida, atu utiliza orsamentu balansu finanseiru ba projetu naun-fiskál sira iha tinan 2026 ne’e.
“Deliverasaun ne’e, hanesan Desizaun ida ba foka liu ba servisu Administrativa Autoridade, tanba RAEOA hanesan Orgaun de Libertasaun ida, Liuliu atu Delibera Prinsipal sira, kona-ba Saida mak Pronunsia ona husi Parlamentu no komisaun Audensia foin dadaun ne’e, fo sai katak iha Projetu naun Fiskais tinan 2026 nian.” Hatete PA REAOA iha Salaun Konvensaun palaban tersa ne’e.
Repotagen Julmira Cab Colo
The post Autoridade RAEOA Delibera Pontu rua Importante Servisu Administrasaun Públika appeared first on radioatonilifau.tl.