RCLM Baucau (20/10/2026)—Xefe Suku Celestino Freitas Moreira dadaun ne’e preokupa tebes destinu Suku Uaitame, to’o agora seidauk hatene lolos suku Uaitame pertense ba postu Administrativo Quelicai Antigu, ga pertense ba Postu Administrativo Quelicai Munisipiu Baucau, tamba Komunidade sira bainhira atu ba trata Dokumentus hanesan elitoral biometriku, iha Postu Administrativo Quelicai Antigu maibe suku Uaitame la eziste iha Sistema.
Xefe suku Celestino Freitas Moreira hatutan, antes ne’e uitavo governu konstitusional entrega ona karimbu suku nian hodi pertense ba iha Postu Administrativo Quelicai Antigu, iha ne’ebe Governu halo ona lansamentu iha loron 15 fulan junu tinan 2023, maibe mosu preokupasaun komunidade balun hodi Konsellu konsultivo Munisipal Baucau halo votasaun iha loron 9 fulan dezembru tinan 2025, hodi termina destinu suku Uaitame nian, ne’ebe rejultadu Votasaun suku Uaitame manan hodi pertese ba postu Administrativo Quelicai Antigu ho votus 33 kontra 29.
Nu’udar Autoridade Suku Uaitame Rejeita Diploma Ministrial foun numeru 31/2026 loron 3 fulan jullu, koba Suku Uaitame pertense ba Postu Administrativo Quelicai, munisipiu Baucau tamba antes ne’e uitavo governu entrega ona karimbu no halo ona lansamentu hodi pertense ba Postu Administrativo Quelicai Antigu.
“Ba estabelesementu Postu Administrativo Quelicai Antigu legalmente tuir lei devizaun administrativamente teritorial nian ho razaun ida ne’e mak ha’u nu’udar xefe suku aktual reprejentante suku Uaitame depende plaka Diploma Ministrial uitavo Governu entrega ona ba Postu Administrativo Quelicai Antigo.” kestaun ne’e hato’o bainhira xefe suku Celestino Freitas Moreira hamutuk ho komunidade sira, realiza konferensia imprensa iha rezidensia Domingu foin lalais ne’e.
Xefe Aldeia Gugulai Eduardu Moreira, husu ba Prezidente Autoridade Munisipiu Baucau, atu klarifika kona diploma Ministerial foun no Jornal da Republika nian.
“Ha’u hakarak husu ba Prezidente Autoridade Munisipiu Baucau atu kalarifika kona ba Diploma Ministerial no Jornal da Republika ida ne’ebe mak bo’ot liu, hodi nunee ami la’o tuir lei no orden ida nee.” Hatete Eduardo
Total xefe familia iha suku Uaitame Hamutuk atus lima resin, no total populasaun hamutuk rihun rua resin.
Noticia ne’e publika Jornalista seidauk halo konfirmasaun ho Prezidente Autoridade Munisipiu Baucau, tamba atende hela servisu seluk iha kapital Dili.
Ekipa Kobertura : RCLM
The post Xefe Suku Preokupa Destinu Suku Uaitame Pertense ba Postu Ida Ne’ebé To’o Agora Seida’uk Los appeared first on Radio Comunidade Lian Matebean.