SISD POETETE-LODUDU 12/08/2026, komunidade Katólika Lodudu realiza ona serimónia lansamentu fatuk-ain ba projetu rehabilitasaun Kapela Nossa Senhora das Dores, Lodudu.
Serimónia lansamentu fatuk-ain ne’e lidera hosi Gas no Amu Pároku Gleno, hamutuk ho komunidade no fiéis sira. Atividade ne’e marka hahú ofisiál ba prosesu rehabilitasaun kapela ne’ebé sai fatin importante ba vida espiritual no atividade pastorál komunidade Katólika iha Lodudu.
Iha oportunidade ne’e, Amu Pároku Gleno hato’o apresiasaun ba komunidade hotu ne’ebé fó apoiu no kontribuisaun ba realizasaun projetu rehabilitasaun kapela. Nia mós konvida komunidade atu kontinua hamutuk, servisu ho espírito solidariedade no responsabilidade, atu bele kompleta projetu ne’e ho di’ak.
Lansamentu fatuk-ain ne’e mos sai símbolu ba unidade no komitmentu komunidade iha esforsu hametin vida relijioza no preserva patrimóniu espiritual iha Kapela Nossa Senhora das Dores, Lodudu.
Komunidade hein katak liuhosi kolaborasaun entre Igreja, komunidade no parte sira seluk, projetu rehabilitasaun ne’e bele la’o ho di’ak no remata tuir planu.