L𝒐𝒓𝒐𝒏 𝑵𝒂𝒔𝒊𝒐𝒏𝒂́𝒍 𝑳𝒊𝒃𝒆𝒓𝒅𝒂𝒅𝒆 𝑰𝒎𝒑𝒓𝒆𝒏𝒔𝒂 𝒃𝒂 𝒅𝒂𝒍𝒂 𝒉𝒂𝒂𝒕 (4) 𝒇𝒐́ 𝒎𝒆𝒏𝒔𝒂𝒋𝒆𝒏 𝒌𝒍𝒂𝒓𝒖 𝒃𝒂 𝒋𝒐𝒓𝒏𝒂𝒍𝒊𝒔𝒕𝒂 𝒉𝒐𝒕𝒖- 𝒕𝒆𝒏𝒌𝒆 𝒖𝒛𝒂 𝒍𝒊𝒃𝒆𝒓𝒅𝒂𝒅𝒆 𝒉𝒐 𝒇𝒖𝒂𝒏, 𝒆𝒕𝒊𝒌𝒂, 𝒏𝒐 𝒓𝒆𝒔𝒑𝒐𝒏𝒔𝒂𝒃𝒊𝒍𝒊𝒅𝒂𝒅𝒆 𝑺𝒐𝒔𝒊𝒂́𝒍

Lospalos rcl vp 22-10-2026= Sekretáriu Estadu Komunikasaun Sosiál (SEKOMS), Expedito Loro Dias Ximenes, halo abertura ofisiálmente Feira Fotografia ho tema “Feira Liberdade” iha ámbitu komemorasaun Loron Nasionál Liberdade Imprensa ba dala haat (4) ne’ebé organiza husi Konsellu de Imprensa (KI) iha Sentru Konvensaun Dili.

Serimónia abertura ne’e konta ho partisipasaun husi Prezidente Konsellu de Imprensa, António Cesar Moniz Mali  (César Mali), reprezentante asosiasaun jornalista sira, profisionál komunikasaun sosiál, no parseiru internasionál sira.

Iha diskursu, Sekretáriu Estadu Komunikasaun Sosiál Expedito Loro Dias Ximenes ne’ebé reprezenta Governu no ministeriu ne’ebé tau matan ba komunikasaun sosiál iha Timor-leste hateten, lema komemorasaun tinan ida-ne’e nian mak “Mídia Livre Demokrasia Metin”, ne’ebé fó mensajen klaru katak liberdade imprensa presiza duni protesaun, maibé tenke la’o hamutuk ho responsabilidade.

“Hau konvida ita hotu atu uza Feira Liberdade ne’e hanesan oportunidade ida atu aprende, fahe esperiénsia, promove kooperasaun, no hametin kompromisu hamutuk ba futuru komunikasaun sosiál iha Timor-Leste. Ho laran ksolok, ha’u hato’o parabéns ba komemorasaun Loron Nasionál Liberdade Imprensa ba dala haat, ho respeitu, ha’u deklara ofisiálmente lansadu Feira Liberdade,” dehan SEKOMS Expedito’’

Sekretáriu Estadu mós reafirma fali Governu nia kompromisu atu kontinua hametin ekosistema komunikasaun sosiál ida ne’ebé livre, plurál, independente, profisionál, no responsável. Ba kestaun ne’e, SEKOMS sei kontinua servisu hamutuk ho Konsellu de Imprensa, mídia estatál, mídia privadu, rádiu komunidade sira, asosiasaun jornalista sira, no parseiru dezenvolvimentu sira hodi dezenvolve kapasidade no hadia kualidade informasaun ba públiku.

Expedito mos  subliña katak iha era dijitál presiza prepara profisionál mídia sira atu komprende no uza teknolojia foun, inklui Intelijénsia Artifisiál (Artificial Intelligence – AI), ho etika no responsabilidade.

“Teknolojia tenke sai instrumentu ida atu haforsa kualidade jornalizmu no asesu ba informasaun, la’ós instrumentu ne’ebé hamenus konfiansa públiku nian,” nia subliña

Entertantu :Feira Liberdade ne’e hatudu fotografia no dokumentasaun oioin kona-ba servisu no kontribuisaun husi eis-jornalista, no jornalista sénior sira ne’ebé fo sira nia kontribuisaun  luta ba libertasaun nasionál iha tempu rezisténsia nian.

Jornalista;sili

Editor;eL

The post L𝒐𝒓𝒐𝒏 𝑵𝒂𝒔𝒊𝒐𝒏𝒂́𝒍 𝑳𝒊𝒃𝒆𝒓𝒅𝒂𝒅𝒆 𝑰𝒎𝒑𝒓𝒆𝒏𝒔𝒂 𝒃𝒂 𝒅𝒂𝒍𝒂 𝒉𝒂𝒂𝒕 (4) 𝒇𝒐́ 𝒎𝒆𝒏𝒔𝒂𝒋𝒆𝒏 𝒌𝒍𝒂𝒓𝒖 𝒃𝒂  𝒋𝒐𝒓𝒏𝒂𝒍𝒊𝒔𝒕𝒂 𝒉𝒐𝒕𝒖- 𝒕𝒆𝒏𝒌𝒆 𝒖𝒛𝒂 𝒍𝒊𝒃𝒆𝒓𝒅𝒂𝒅𝒆 𝒉𝒐 𝒇𝒖𝒂𝒏, 𝒆𝒕𝒊𝒌𝒂, 𝒏𝒐 𝒓𝒆𝒔𝒑𝒐𝒏𝒔𝒂𝒃𝒊𝒍𝒊𝒅𝒂𝒅𝒆 𝑺𝒐𝒔𝒊𝒂́𝒍 appeared first on Radio Comunidade Lospalos Vox Populy.