Signifikado mehi jeralmente hanesan reflesaun ida hosi induvidu ida nia subkonsiente, hanoin, ka emosaun sira wainhira iha tempu deskansa. Mehi sira dala barak la sai realidade ikus nakfilak ba buat seluk ne’ebe la espera.
Fraze iha leten monu los ba Domingos Gonzaga ho naran estimado Etha, ne’ebe moris iha Natarbora loron 18/09/1986, aifuan domin husi Evaristo Carion no Inan Rosa Carolino (falecida) uluk sei kiik mehi hakarak sai Nailulik “Padre”.
Atu alkansa Etha ninia mehi sira dalan uniku ne’ebe nia rasik hili mak tenki hahu uluk eskola nune’e iha momentu ne’eba maske sei ho idade kiik nia hahu aprende siencia sira iha ensino pre-primaria iha eskola Uma Boco no remata iha tinan 1992.
Durante aprende iha iha pre-primariu Etha hahu kuinese numeiru no alfabetu sira, nune’e atu haklean tan ninia kuinesementu sira ho nia hakarak rasik kontinua ninia prosesu aprendisazen iha ensino primaria iha EBF Cacaeuma no finilaiza ninia estudu iha tinan 1999.
Etha ne’ebe ho nia lema “HAU HALO BUAT NE’EBE HAU HATENE” hafoin finaliza tiha ninia estudu durante tinan tolu (3) iha ensino primaria ba nia siencia ne’ebe nia hetan seidauk to’o hodi hetan ninia mehi sira iha futuru, nune’e hodi hasae tan ninia abilidade sira ho ninia hakarak rasik nia kontinua koko aprende iha eskola presekundariu SMP N Natarbora no finaliza iha tinan 2003.
Husi prosesu aprendisazen ne’ebe Etha hakat liu maske defisil gerasaun foun husi uma lisan AI DAN LULIK kontinua koko aprende siencia iha nivel ne’ebe as oituan hanesan ho ninia kolega sira seluk nune’e nia inisiativa rasik haka tba cidade kapital hodi kontinua ninia prosesu aprendisazen iha ensino sekundariu iha Cristal no finaliza ninia estudu iha tinan 2005.
Ba Etha siencia sira ne’ebe nia aprende iha dekada sira ne’ebe nia hakat liu seidauk bele atinji ninia objetivu moris nune’e atu hasae tan ninia abilidade sira nia kontinua ninia prosesu aprendiszen sira iha ensino superior Marista no remata iha tinan 2009.
Wainhira finaliza tiha ninia estudu iha ensino superior ho fiar an Etha hatudu ninia abilidade sira pratika matenek ne’ebe nia hetan nune’e ikus mai nia asumi responsablidade sai nudar formador ba foin sae sira iha centru treinamentu vokasional Joventude Bairopite.
Husi ninia lideransa nudar formador lori Etha hakat tan pasu ida hodi involve an no asumi responsablidade sira serbisu iha agensia naun governamental no agensia internasional sira entre tinan 2011-2016.
Knar pratika sira seluk mak Etha involve direta iha serbisu kombate Droga no Alkohol hamutuk ho Policiamentu Comunitaria ba iha komunidade sira iha Suku Rural sira hanesan Munisipiu Liquisa, Baucau, Ermera, Manatuto, Maliana Viqueque no Aileu.
Domingos Gonzaga ne’ebe oras ne’e dadaun forma ona uma kain ho Anabela de Jesus Cardoso no haraik ona aifuan domin oan nain haat (4) mane rua (2) no feto rua (2), husi Etha ninia involvementu sira iha agensia internasional halo mane ho nia kulit metan morena ne’e hakarak tebes fila fali ba ninia rai moris fatin hodi serbi komunidade sira, maibe iha momentu ne’eba sente desperado tamba tenki lakon ninia lakon ninia inan ne’ebe nia hadomi iha tinan 2016.
Hafoin liu tiha tempu triste ne’e Etha ho esforco tomak ho ninia inisiativa rasik hakarak tebes kandidata nia an nudar xefe do suco iha momentu ne’eba no iha prosesu sira ne’ebe nia liu konsege lori nia atinji ninia hakarak sira nune’e povu fihir no hili nia sai nudar lideransa lokal iha suco Aubeon no kompleta ona period rua tuir-tuir malu.
Sai nudar xefe do suco nudar vokasaun ida, knar ne’e nudar naha boot hodi servi komunidade sira, hanesan autoridade lokal knar loron-loron mak prepara planu serbisu, implementa polítika governu local no koordena atividade governu iha nivel suco.
Hakerek : Equipa formando/a Jonal Parede Dijital Suco Aubeon
Revizaun : Equipa formador Jornal Parede Dijital DNDM SEKOMS
The post “ULUK MEHI HAKARAK SAI NAI LULIK, IKUS NUDAR SERVIDOR” appeared first on Sistema Informasaun Suku Aubeon Manatuto.