Konstrusaun ba refertóriu ka sala Atendementu Merenda Escolar EBF We-Cade iha Aubeon no Eskola Infantil Weroun, finansia hosi Programa Nasional Dezenvolvimentu Suku (PNDS) tinan 2026, atinji ona pursentu atus ida, hein inaugurasaun, Tersa, 21 Outubro 2026. Foto : Ekipa SISD-Aubeon.

SISD – AUBEON, 21 OUTUBRU 2026 – Konstrusaun refertóriu iha Eskola Básika Filial Aubeon no Eskola Infantil Weroun, ne’ebé finansia hosi Programa Nasional Dezenvolvimentu Suku tinan 2026, atinji ona progresu fiziku pursentu atus ida, no hein inaugurasaun.

Xefi Suku Aubeon, Domingos Gonzaga, ba Ekipa Sentru Informsaun Suku Dijital (SISD) – Aubeon, Tersa (20/20) semana ne’e, haktuir konstrusaun refertóriu ne’e, nu’udar parte hosi prioridade Programa Nasional Desenvolvimentu Suku (PNDS) Regular ba tinan 2026, ne’ebé apoia infraestrutura edukasaun iha Suku Aubeon, inklui Eskola Básika Filial (EBF) Aubeon no Eskola Infantil Weroun.

Pessoal SISD – Aubeon halo intervista ho Xefi Suku Aubeon, Domingos Gonzaga, Tersa (20/20) konaba progresu konstrusaun refertóriu ka sala Atendementu Merenda Escolar EBF We-Cade iha Aubeon no Eskola Infantil Weroun, ne’ebe finansia hosi Programa Nasional Dezenvolvimentu Suku (PNDS) tinan 2026. Foto : Ekipa SISD-Aubeon.

“Ba tinan 2026, prioridade programa PNDS Regular iha Suku Aubeon mak konstrusaun refertóriu ba eskola rua, hanesan EBF Aubeon no Eskola Infantil Werou, ho total orsamentu  rihun tolunulo resin hitu, atus ne’en hitunulo resun ha’at sentaveus walunulo dollar americano ($ 37,674.80) ne’ebe maka fahe ba Eskola rua, no kada refetóriu  eskola ida hetan orsamentu rihun sanulo resin walu, atus walu tolunulo resin hitu sentavus ha’at nulo ($18,837.40),” Domingos afirma.

Lideransa maximus suku Aubeon ne’e mos informa konstrusaun refetóriu EBF Aubeon, hahu halao konstrusaun durante fulan tolu, hahú hosi fulan Agostu to’o Outubru 2026. Tanba ne’e maka tuir observasaun iha terrenu rezultadu hatudu katak obra ne’e, atinji ona progresu fiziku pursentu atus ida (100%), no iha tempu badak sei hala’o inaugurasaun.

Kuadru informasaun konaba konstrusaun refertóriu ka sala Atendementu Merenda Escolar EBF We-Cade iha Aubeon no Eskola Infantil Weroun, ne’ebe harii ka taka iha dalan ninin parte escola nia oin, Tersa, 21 Outubro 2026. Foto : Ekipa SISD-Aubeon.

Nia konsidera katak konstrusaun refetóriu ne’e, nu’udar infraestrutura importante ba ambiente eskolar, tanba bele suporta nesesidade estudante sira no ajuda hadi’a kondisaun servisu iha eskola.

Aliende ne’e, Domingos hatutan programa PNDS antes ne’e, implementa ona atividade konstrusaun drenajen iha Aldeia sira, inklui Aldeia Bubur Laran no Aldeia Wekadi, maibe iha parte balun maka seidauk halao konstrusaun drenajen.

Hakerek Nain                   : Ekipa Grupo I

Editor                                  : Ekipa SISD – SEKOMS

The post REFERTÓRIU EBF – AUBEON NO ESKOLA INFANTIL WEROUN HEIN INAUGURASAUN appeared first on Sistema Informasaun Suku Aubeon Manatuto.