Xefi Suku Aubeon, Domingos Gonzaga hato’o hela ninia intervensaun iha seremonia abertura ba formasaun jornalizmu baziku ba pessoal suku Aubeon no joventude sira iha sede suku Aubeon, Segunda (19/10) semana ne’e. Foto : Ekipa SISD-Aubeon.

SISD – AUBEON, 21 OUTUBRU 2026 – Estabelesimentu Sentru Informasaun Suku Dijitál iha Suku Aubeon sai hanesan meius ida atu fasilita servisu administrativu no atendimentu ba komunidade, liuliu iha prosesu fahe informasaun liuhosi website suku nian.

Xefi Suku Aubeon, Domingos Gonzaga ba Ekipa Sentru Informasaun Suku Dijital Aubeon, Tersa (20/10) semana ne’e iha ninia knar fatin hateten prezensa sentru informasaun suku dijitál ne’e ajuda no apoia servisu loroloron nian, la’ós de’it ba xefi suku, maibé mós ba funsionáriu suku no membru Konsellu Suku sira.

Nia mos esplika katak sistema dijitál ne’e bele fasilita atendimentu ba komunidade atu sai lalais no fasil, no komunidade bele asesu informasaun sira liuhosi website suku nian.

Partisipantes sira kuaje nain ruanulo resin husi suku Aubeon ne’ebe kompostu husi pessoal suku Aubeon, Xefi Aldeias, delegada, delegado, joventude inklui pessoal suku vijinhu ne’ebe partisipa iha formasaun jornalizmu baziku durante semana ida nia laran, hahu husi Segunda to’o sesta feira (19 – 23 Outubru 2026) iha Sede Suku Aubeon. Foto Ekipa SISD-Aubeon.

“Sentru informasaun suku dijitál ne’e hanesan meius ida atu ajuda no apoia servisu xefi suku, funsionáriu suku no membru Konsellu Suku sira hotu, hodi bele halo atendimentu ba komunidade ho lalais no fasil. Informasaun sira bele asesu liuhosi website suku nian,” Domingos Gonzaga afirma.

Tuir Domingos Gonzaga, utilizasaun website suku nian bele sai dalan ida atu apoia servisu iha nivel suku, liuliu atu komunidade sira hetan informasaun ne’ebé presiza ho fasil no lalais.

“Atu dehan deit katak ho estabelesementu suku dijital ida ne’e importante tebes mai ami iha suku ida ne’e.tanba bele ajuda, apoio no hafasil ami nia servisu iha suku laran liuliu oinsa atu fehe informasaun ba ami nia Komunidade sira”, Tenik Domingos.

Ho estabelesimentu Sentru Informasaun Suku Dijitál, espera katak asesu ba informasaun no atendimentu administrativu iha Suku Aubeon bele sai fasil liután, no komunidade sira bele aproveita teknolojia dijitál atu hetan informasaun kona-ba servisu no atividade sira iha suku.

Hakerek Nain                   : Ekipa Grupo I

Editor                                  : Ekipa SISD – SEKOMS

The post SUKU DIJITAL FASILITA SERVISU SUKU NO ATENDEMENTU BA KOMUNIDADE AUBEON appeared first on Sistema Informasaun Suku Aubeon Manatuto.