RCLM Baucau (19/10/2026)—Instituisaun Falintil Forsa Defeza Timor leste Kompostu husi komponente Terestre, komponente Naval, no komponente Aero, halo abertura ezersisiu treinu kombinasaun armas 26.1 ba komponente Operasional, ho objetivo atu hasa’e kapasidade militar sira nian iha nivel operasional, kona ba treinu tatika operasional, navegasaun terestre, prosedimentu komando, armamentu tiru, treinu kombate, mantein fiziku individual no mos primeiru sukoru.
Xefe Estadu Maior Jeneral Forsa Defeza Timor Leste Domingus Raul Falur Rate Laek hateten, misaun sekundariu komplentariu sira laos misaun ki’ik, maibe forsa sira iha planeamnetu ne’ebe regurozu, kadiadu komando ne’ebe regurozu logistika ne’ebe solidu, inklui disiplina, enkuantu kombinasaun iha arma ida ne’e, sei hatene kombina rekursu iha situasaun emergensia, preparasaun ba Funu, no preparasaun hodi servi povo iha Timor Leste iha krize nia laran, no hodi reforsa malu.
Maior Jeneral Hatutan iha tinan 2027 no tinan 2028, Timor Leste sei sai uma nain ba ezersisiu Felinu iha ambitu koperasaun Militar CPLP nian.
“Iha tinan 2027 no 2028 Timor Leste Sei sai Uma nain ba ezersisiu felinu iha ambitu koperasaun militar CPLP nian rejulusaun numeru 3/2025 trata koperasaun hanesan investimentu, saida mak ita hari’i iha ne’e mak baze ba kredibilidade ba ita nia parseiru sira, tamba ne’e ita boot sira tuir ezersisiu ho didiak, tenke partisipa ativo husu pergunta, observa no rona ema ne’ebe iha esperensia liu”. Dehan Xefe Estadu Maior Falur iha Komponente Terestre Segunda, 19/10/2026
Entertantu Komandante Naval komodoro Higino das Neves kodigu “Super Man” hateten, membru forsa sira nia partisipasaun hatudu vontade komprimisiu no lealidade ba orden sira, hodi kontribui fahe koñesementu profisional liu husi ezersisiu ida ne’e, ba kna’ar sira ne’ebe forsa sira hala’o iha futuru oin mai.
“Ha’u enkoraja partisipante sira hotu atu involve an komprimisiu no profisionalizmu kompri regrozu benstrusaun sira, respeita karia komandu, tau prioridade ba seguransa no hatudu disiplina iha aktividade hotu hotu iha ezersisiu ida ne’e”. Hateten Super Man
Ezersisiu treinu kombinasaun hahu komponente naval iha 2025, enkuantu ezersisiu treinu Kombinasaun kontinua iha kompomente terestre, hahu iha loron 19 fulan outubru, no ezersisiu ne’e sei insera iha loron 28 fulan outubru tinan 2026.
Ekipa Kobertura : RCLM Baucau
The post Ezersisiu Treinu Kombinasaun Armas 26.1 ba Komponente Operasional Importante ba Membru Forsa Sira appeared first on Radio Comunidade Lian Matebean.