SISD Suku Poetete-Lodudu 09/21/2026 prepara hela grupu músika Koremetan atu partisipa iha atividade komemorasaun Loron Funsaun Públika, ne’ebé sei realiza iha Gleno.
Preparasaun ne’e hala’o hodi asegura katak apresentasaun músika Koremetan bele lao ho di’ak no sai parte ida husi programa komemorasaun. Membru sira husi grupu músika kontinua halo ensaiu no prepara sira-nia apresentasaun ba loron ne’ebé sei hala’o atividade.
Músika Koremetan nu’udar parte husi kultura no tradisaun Timor-Leste, no nia prezensa iha atividade komemorativa bele ajuda hametin kultura, identidade no espírito unidade iha komunidade.
Loron Funsaun Públika sei sai oportunidade ida atu fó apresiasaun ba servisu públiku no kontribuisaun funsionáriu sira ba dezenvolvimentu komunidade no nasaun.
Komunidade Suku Poetete-Lodudu espera katak preparasaun no apresentasaun músika Koremetan bele kontribui ba susesu atividade komemorasaun iha Gleno.