SISD POETETE-Lodudu, 8 Outubru 2026 — Amu Paraku Glenu celebra misa iha Kapela Nossa Senhora das Dores, Lodudu, iha loron 8 Outubru 2026. Selebrasaun misa ne’e hala’o iha ambiente espirituál no partisipa hosi komunidade fiél sira iha área Lodudu.
Iha okaziaun ne’e, Amu Paraku Glenu la’ós de’it lidera selebrasaun misa, maibé mós ko’alia kona-ba situasaun Kapela Nossa Senhora das Dores, ne’ebé agora daudaun iha kondisaun grave no presiza reabilitasaun.
Tuir nia esplikasaun, preparasaun atu halo reabilitasaun ba kapela ne’e sei kontinua, ho objetivu atu hadi’a fali kondisaun edifísiu no garante fatin ida ne’ebé di’ak no seguru ba komunidade atu hala’o atividade relijioza.
Amu Paraku Glenu mós apela ba komunidade no parte relevante sira atu fó apoiu ba prosesu reabilitasaun kapela, tanba kapela ne’e iha importánsia boot ba vida espirituál no komunidade Católica iha Lodudu.
Komunidade espera katak, liuhosi koperasaun no apoiu hamutuk, prosesu reabilitasaun Kapela Nossa Senhora das Dores bele hala’o ho di’ak, hodi kapela ne’e bele uza fali iha kondisaun ne’ebé apropriadu ba misa no atividade pastorál sira.