SISD POETETE-LODUDU, 03 Agostu 2026 – Ekipa husi Ministériu Obras Públikas (MOP) hala’o observasaun ba projetu konstrusaun moru protesaun iha Mota Lodudu atu haree progresu servisu no asegura katak implementasaun projetu lao tuir planu no padraun tékniku ne’ebé estabelese ona.
Observasaun ne’e realiza iha área projetu Mota Lodudu, ho partisipasaun husi tékniku MOP, reprezentante empreiteiru no parte relevante sira. Ekipa ne’e halo inspeksaun direta ba kondisaun konstrusaun no fó orientasaun téknika atu melhora kualidade servisu bainhira presiza.
Durante vizita, ekipa MOP hateten katak projetu moru protesaun ne’e importante atu reduz risku erozaun no inundasaun, no mos atu proteje infraestrutura no komunidade sira ne’ebé hela besik mota.
MOP reafirma nia kompromisu atu kontinua monitoriza no akompaña implementasaun projetu sira atu garante rezultadu ne’ebé di’ak, sustentável no fó benefísiu ba komunidade.