Pantemakassar, (RCAL 27 Outubru 2026) – Funsionáriu kontratadu sira iha Rejiaun Administrativa Espesial Oékusi Ambeno (RAEOA), tenke pasiénsia liután, tanba Saláriu ba fulan-Outubru nian konfirmadu tarde tan, tanba sei hein prosesu reajustamentu finál.
Prezidente Autoridade RAEOA, Régio Serventes Roméia da Cruz Salu, fo sai deklarasaun ne’e, ba Jornalista hafoen remata enkontro Autoridade Rejional tersa ne’e iha salaun konvensaun palaban suku Costa postu Pantemakasar.
Régio Serventes Roméia da Cruz Salu, ba jornalisra sira rekoñese ho laran-moos katak, kestaun atrasu ne’e akontese duni, tanba foin daudaun iha prosesu sinkronizasaun no reajustamentu finál ne’ebé hala’o husi Komisaun Funsaun Públika hamutuk ho Ministériu Administrasaun Estatál ka MAE.
Régio Salu esplika, alokasaun orsamentu ba saláriu iha tinan 2026 ne’e menus duni, tanba maioria la tuir tabela legál no balu baixu demais tanba osan la to’o. Ho situasaun ida-ne’e, ekipa Task Force foti opsaun rua: hatun saláriu tuir dekretu lei númeru 3 ka funsionáriu sira la simu vensimentu. Hodi labele prejudika funsionáriu sira, no autoridade sira hili atu reajusta saláriu tuir tabela funsaun públika nian.
“Prosesu Reajustamentu ba Salario Vensimentu remata ona, no refleta hira mak ita presiza ne’e, bazea ba tabele funsaun Publika no Dekreitu lei Nu° 3 kona ba Nivel Salario termu sertu. Orsamentu Alokasaun ba Salario ba Tinan 2026 menus, tamba maioria la tuir tabela Rua, no Maioria mak baixu tmba osan la to’o, nune’e ho Reajustamentu nee ekipa Tasfor Detekta katak lolos kada kontratadu ida tenke hetan $ 450.00 USD, maibe defaktu, ida tun to’o kraik. Ita tenke halo sinkroniza tuir prosesu pagamentu saláriu ba funsionáriu kontratadu sira ba fulan-Outubru liu tiha ona, maibé sei hetan pagamentu iha fulan oin…”
Lideransa RAEOA fó garantia katak, kestaun struktura saláriu ne’e sei la sai problema tan iha tinan oin, tanba reajustamentu ne’e prevee ona iha panorama orsamentu tinan 2027.
Antes remata intrevista Presidente Autoridade Régio Salu hatate, Iha loron ohin mós, Diretora Finansas konfirma ona katak karta aprovasaun haruka ona ba Ministériu Finansas, no pagamentu ba saláriu funsionáriu sira nian konsege rezolve ona.
Reportagen Julmira Cab Colo
The post Atrazu Salariu Fulan-Outubru, Régio Garante, Selu Funsionáriu Kontratadu Sira Iha Fulan Novembru 2026 appeared first on radioatonilifau.tl.