Pantemakassar (RCAL 27 Outubru 2026) – Cruz Vermelha de Timor-Leste (CVTL) hamutuk ho Federasaun Internasionál Cruz Vermelha (IFRC) hala’o treinamentu espesiál ba Servisu Volontariu CVTL-filial Oékusi, kona-ba Bee, Saneamentu no Ijiene (WASH).
Treinamentu ne’ebé hala’o durante loron lima iha Edifisiu CVTL-filial palaban ne’e, hahú husi loron 26 to’o 31 Outubru, ho objetivu prinsipal maka atu hametin kapasidade voluntáriu sira ni’an hodi fó resposta lalais no efektivu bainhira akontese dezastre naturál hanesan inundasaun ka bailoron naruk iha RAEOA.
Sekretáriu Jerál CVTL, Agapito da Silva, subliña katak CVTL labele serbisu mesak, maibé tenke kontinua koordena ho Autoridade Protesaun Sivíl, fórsa seguransa, no parseiru sira seluk.
Biban ne’e, Koordenadór WASH IFRC ba Rejiaun Ázia-Pasífiku, Ewinur Machdar, ba Jornalista sira katak, treinamentu ne’e importante tebes atu prepara lori bee moos ba komunidade sira ne’ebé presiza asisténsia emerjénsia.
Koordenador ne’e mos informa liutan katak, Treinamentu ne’e mós sai hanesan baze implementasaun husi akordu kooperasaun transfronteira, ne’ebé envolve partisipante na’in 21, inklui reprezentante na’in tolu husi Cruz Vermelha Indonézia (PMI).
Reportagen Julmira Cab Colo
The post Hametin Resposta Emerjénsia, Dezastre Natural, CVTL no IFRC hahu fo formasaun ba pesoal Voluntáriu Sira iha Oékusi appeared first on radioatonilifau.tl.