JPD – ESG.LAT Lospalos — Estajiádus Universidade Nasionál Timor Lorosa’e (UNTL) ne’ebe hala’o servisu social iha suku Home, halo promosaun no sosializasaun konaba departamentu no área estudu sira iha UNTL ba estudante Escola Secundária Geral (ESG) Lere Anan Timur (LAT) Lospalos iha tersa feira ne’e (29/09/2026).
Koordinadór estajiádus UNTL, Otavio da Costa, hateten objetivu husi aktividade ne’e mak halo promosaun no socializasaun konaba departementu iha UNTL.
“ Ami husi departementu hitu (7) mai iha eskola ESG. LAT Lospalos atu fó informasaun no orientasaun ba estudante kona-ba oportunidade kontinua sira-nia estudu iha ensinu superior, liuliu iha área no departamentu sira ne’ebé disponivel iha UNTL,” tenik koordinador estajiádus.
Iha ninia edifisiu, diretór adjunto eskola ESG. LAT Lospalos, Carlito Gonjaga, hato’o agradese no informasaun ne’e sai opsaun estudu ba estudante sira wainhira remata husi sekundária.
“ Informasaun ne’ebe estajiadus sira fó ba estudante ne’e importante tebes, liu -liu ba estudante finalista. Sira bele kompriende diak liu konaba opsaun estudu nune’e sira bele hili área estudu ne’ebé apropriadu tuir sira-nia interese no objetivu iha futuru,“ katak diretór adjunto.
Sorin seluk, representante estudante finalista, Melania Maria Hornay, sente kontente no informasaun ne’e ajuda ami hili area estudu ne’ebe interese.
“Ha’u kontente tanba sosializasaun ne’e fó informasaun barak kona-ba departamentu sira iha UNTL. Agora ha’u komprende di’ak liután kona-ba área estudu ne’ebé ha’u bele hili tuir ha’u-nia interese no planu futuru,” nia dehan .
Iha aktividade sosializasaun ne’e ekipa estajiadus aprezenta informasaun konaba departementu no área estudu sira inklui Ciência politika, Politika Públika,Relasaun Internasional, Desenvolvimentu Comunitáriu, Komunikasaun Social, Inklusaun Social, Sociologia No. Administrasaun Públika.
Entretantu total estajiadus UNTL maka halo sosializasaun, hamutuk ema rua nulu resin hitu (27), kompostu husi feto ema nain sanulu (10) no mane sanulu resin hitu (17).
*
Hakerek textu : Ekipa JPD ESG LAT Lospalos
The post ESTAJIÁDUS UNTL SOSIALIZA DEPARTAMENTU BA ESTUDANTE ESG LAT LOSPALOS appeared first on Eskola Sekundária Jerál Lere Anan Timur Lospalos.