JPD-ESG. LAT Lospalos – Universidade Nacional Timor Lorosa’e (UNTL), liu husi Faculdade de Engenharia, Ciência e Tecnologia (FECT), Departamento de Engenharia Geologia e Petróleo (DGP), halo sosializasaun konaba área Engenharia no oportunidade estudu iha Departamentu Geologia no Petróleu, iha Ginásio Lospalos , kuinta feira ne’e ( 24/09/2026 ).
Dekano DGP, Alfredo Guterres Baptista, hateten objetivu husi aktividade ne’e mak atu fó informasaun no orientasaun ba estudante sira, liuliu ba estudante 120 ano programa Ciência e Tecnologia (CT ) kona ba área Engenharia no perspetiva profisional.
“ Objetivu husi aktividade ne’e atu fo informasaun ba estudante finalista sira liu-liu ba programa CT konaba area Engenhaira no oportunidade atu kontinua estudu iha nível universitáriu, espesialmente kona ba área Geologia no Petróleu, inklui oportunidade no perspetiva profisionál iha futuru”, Dekano DGP hateten.
Profesór akompanhantes husi ESG. LAT Lospalos, Ardelia Belarisa Soares, hateten aktividade ne’e importante ba estudante finalista programa CT no sai opsaun estudu superior .
“ Atividade ida-ne’e importante tebes tanba bele ajuda estudante sira atu kompriende di’ak liután kona-ba opsaun estudu superior no hili área ne’ebé tuir sira-nia interese no kapasidade,”dehan nia.
Sorin seluk, representante estudante ESG. LAT Lospalos, Otavio da Costa, sente kontente tamba hetan informasaun foun konaba area estudu.
“ Ha’u kontente tebes tanba bele partisipa iha atividade sosializasaun ne’e, hetan informasaun foun kona-ba área estudu, matéria sira ne’ebé sei aprende no oportunidade karreira iha futuru,” estudante ne’e hateten.
Etretantu partisipante husi sosializaun ne’e hamutuk ema nain ualo nulu (80) kompostu husi eskola sekundaria lima (5),mak hanesan ESG. LAT Lospalos, ESG. Nino Konis Santana, eskola CAFE Lospalos, ESTV No. 1 de Lospalos no ESTV No.2 Lospalos. Kada eskola delega estudante hamutuk ema sanulu resin lima ( 15) no profesór akompanhante ida (1).
*
Hakerek textu : Ekipa ESG. LAT Lospalos
The post UNTL SOSIALIZA ÁREA ENGENHARIA NO OPORTUNIDADE ESTUDU BA ESTUDANTE FINALISTA IHA LOSPALOS appeared first on Eskola Sekundária Jerál Lere Anan Timur Lospalos.